Üsi Brüst die hänge, niemer wott üs meh bange. Mir si Andreas. Vili frage warum mir so heisse. Isch eigentlich nid so spannend. Mir si eifach aui vom Andreas entjungferet worde. Mir überchöme Gage für Blamage. Mir singe drüstimmig oder schreie ume bis d Ohre pfiife: Me chas ja o nid aune rächt mache. Vo Pose zu Pose bis id Psychose. Me gönnt sich ja schüsch nüüt! Andreas isch no ohni Album ungerwägs: Mit Reels füehle mir üs geborge, si vore Horde aagwixt worde. Mit über 15 Instrumänt hasse üs aui MischerInne. Üsi Inspiration si üsi Ex-Fründe (Schafseckle). Si hei bi üs übernachtet, mir wünsche si hätte üs liebevou betrachtet. Das hei mir üs dänkt, wo si üs ihri Wobbler i Rachä hei ghänkt. Existiere isch so cringe. Mir bruuche me Outo, weniger Böim! Mir wei Tier überfahre, Mönsche aber o. Mir spile i Gärte, Chäuer, Grand-Hotels. Aber eigentlich wei mir nume meditiere, onaniere, u Gäut i Aktie investiere.